Pengetahuan Eksplisit
Naskah Asli
Krama ring Désa Adat Tamanbali mangda teg-teg miara karesikan mwang kaasrian wewidangan parahyangan miwah palemahan, wénten tan wénten titah saking Bandésa utawi Prajuru Désa Adat.
Krama Désa Adat, Krama Tamiu, miwah Tamiu patut stata nyagra karesikan wewidangan soang-soang rauh ring wewidangan Désa Adat.
Sahananing emis utawi leluu sané metu saking raga niri saha wewidangan ngraga patut kapidabdabin sabecik-becikné utawi kagenahang ring wadah emis sané sampun kasayagaang.
Sahananing emis patut kapilah tur kawadahin, minakadi emis plastik kapupulang sareng soroh emis plastik, emis edon-donan kapupulang sareng soroh emis edon-donan, emis blah- blahan kapupulang sareng soroh blah-blahan.
Krama ring Désa Adat Tamanbali mangda matitetin utawi ngwatesin nganggén plastik.
Soang-soang tenten, pasar, warung, penggak, utawi genah mautsaha patut nyayagaang genah emis manut papilahan sakadi inucap ring angka (4), tur nitenin utawi ngwatesin nganggén plastik.
Sahananing emis tan kapatutang kaentungang ka dura pakarangan utawi tanah druwé niri, sajabaning sampun madruwé genah emis sané sampun kapastika olih Désa utawi Banjar Adat.
Banyu, pamasuhan, yéh umbah-umbahan, yéh blengbeng, utawi sakaluwir nyané tan kapatutang ngromonin ka dura karang utawi tanah druwé niri.
Sang sapa sira ugi tan dados mabacin ring jlinjing, tlabah, tukad, utawi genah tiosan
sané nénten kapatutang.
Sang sané ngawigunayang toya jlinjing, tlabah, utawi tukad, bilih-bilih anggén masiram, mangda tegteg nyagra patittis anut, patut tur pantes.
Emis sané metu sangkaning upakara upacara mangda kapuputang ring wewidangan genah ngamargiang upakara upacara.
Sang sapa sira ugi piwal utawi mamurug tan nganutin nyagra karesikan wewidangan kakeninin pamidanda manut pabuat.
Internalization