Pawos 108

Yening pacang makarya rurung, linggah ipun kapatutang adepa belah utawi adepa;

Rurung sane kawangun kadasarin antuk paigum sang aduwe tanah lan sang sane pacang ngawigunayang tur kasobyahang ring pasangkepan;

Tan kapatutang ngenahang barang padruwen, ring margi utawi rurung Desa Adat Tamanbali ngantos langkung ring arahina tur ngantos ngawetuang pikobet;

Sahananing margi sane wenten ring wawengkon Desa Adat Tamanbali patut polih pitulung pamiara kaasrian saking krama Adat, pinaka panyanggra Krama Adat marep ring Guru Wisesa, saha miara kaasrian wewidangan;

Tan wenang ngawangun sajeroning kakuwub margi;

Krama Desa Adat sane pacang nimbalang tanah patut masadok tur pastika molihang uwak-uwakan bandesa utawi prajuru adat;

Jana dura Desa sane nimbalang tanah ring wawidangan Desa Adat patut masadok ring Bandesa Adat;

Wawangunan sane tan nganutin tata ngawangun lan tata ngawigunaang genah, risampun kawara tur sampun kasadokang, wenang kapidanda manut pararem;

Sang piwal sakadi inucap ring ajeng angka (1) rauh ring angka (7), patut kebaosin lan keni pamidanda manut perarem.