Pengetahuan Eksplisit
Naskah Asli
Ngawit nandur pepayonan, tanem tuwuh ring tegal utawi carik patut adepa agung (sawetara 1,5 meter) ngajeroang saking wates, prade jantos ngliwat wates patut kasepat gantungin, prade kapurug, keni pamidanda manut pararem.
Ngawit nandur pepayonan, tanem tuwuh ring tlajakan pakarangan miwah pondok patut 15 (limolas) meter saking wates pakarangan/pondok, prade kapurug keni pamidanda manut pararem.
Prade pageh wates bebaledan ngangge pepayonan tanem tuwuh patut kapunggul tur tegehnyané tan dados langkung ring 3 (tigang) meter.
yening pepayonan ngungkulin, samaliha mawastu mayanin kapisaga patut kawara antuk paiguman ring ajeng prasida sang nruwenang wit ngrebah utawi notor.
Pradé sampun kawara taler tan wénten utsaha sang nruenang wit, sang rumasa katetehan/kajerihan wenang masadok ring Bandésa, tur risampun kaparitatas kalugra ngicalang wit inucap.
Sang keni pamidanda panyangaskara saha prabea manut pararem arep ring wawangunan sane karubuhin luire:
- Sang nruénang wit sinanggeh mayanin, pradé pungkat ngrubuhin wawangunan krama tios.
- Sang notor, munggul utawi ngrebah taru tur ngrubuhin wewangunan krama tios.
(7). krama Désa patut ngamanggehang katreptian tanem tuwuh sane ngawinang Désane asri tur lestari
Internalization