Pawos 141

Awig-Awig puniki kasurat, kararemin, tur kamanggehang duk rahina Buda pananggal ping 3 (telu) sasih Kawulu, Isaka Warsa 1948, tanggal Masehi 21 Januari 2026 , ring Désa Adat Tamanbali

Awig-Awig puniki kalinggatanganin olih Bandésa mwang Prajuru Désa Adat saha Klian Banjar Adat Tamanbali.

Luwir sang sane ngalingga tanganin:

1. Krama Désa Adat Tamanbali manut bacakan kasurat ring lepihan;
2. Prajuru Désa Adat Tamanbali;
3. Klian Banjar Adat Tamanbali;

ra.Bandesa Alitan Majelis Desa Adat Kecamatan Bangli. Bandesa Madya Majelis Desa Adat Kabupaten Bangli, lan

da.Bandesa Agung miwah Panyarikan Agung Majelis Desa Adat Provinsi Bali.

Karanemin ring Tamanbali

Bandesa Adat Tamanbali,Penyarikan Desa Adat Tamanbali,

I Nengah SugianaSang Nyoman Sudiarta

Bandesa Madya MDA Kabupaten Bangli,Bandesa Alitan MDA Kecamatan Bangli,

I Ketut KayanaI Gusti Made Oka

Bandesa Agung MDA Provinsi Bali,Penyarikan Agung MDA Provinsi Bali,

Ida Panglingsir Agung Putra SukahetI Ketut Sumarta

MURDA CITTA

Om Swastyastu,

Om Nama Siwa ya, Om Sri Pasupatastra, Om Awighnamastu Nama Swaha.

Mangkana panamaskaran mami kabéh ri Sang Hyang Parama Wisésa siddha amanggih dirghàyuûa tan kataman lara wighna pinakang hulun kabéh krama Désa Adat Tamanbali. Sembah bhakti miwah pangastawan krama majeng ring paduka bhatara bhatari sesuwunan sami, riantukan wantah malarapan antuk panghyang ning kalih pasuécan Ida Hyang Widhi Wasa, asung kreta wara nugraha nresti jagat jangkep rawuhing sadagingnya sami, mawinan wénten kahuripan sakala niskala ring bhuwana agung miwah bhuwana alit.

Manut dresta, désané kamanggehang dados pasayuban krama désa rawuhing kulawarga pawongania sami, mawastu raris désané kamanggehang pinaka pawakan bhuwana agung, pawongannya kamanggehang pinaka pawakan bhuwana alit. Sotaning pawakan bhuwana agung, désané taler kamanggehang pinaka pawakan bhawa mahurip, sané kacirénin antuk kawéntenan pakilitan Tri Hita Karana sané tan dados pasahang, luiré:

1. Parahyangan, inggih punika sahanan parhyangan panyiwian désa, genah ngarcana prabhawan Ida Hyang Parama Wisésa, pinaka jiwa pramanan désané;
2. Pawongan, inggih punika gebogan krama rawuhing warga désa maka sami pawakan Tri Kaya pinaka bayu pramanan désané, mawinan désané prasida masolah prawreti;