Pengetahuan Eksplisit
Naskah Asli
Upacara pamretekaan sang lampus, luire mersihin sawa, mendem, ngeseng sawa, atiwa-tiwa, kalanturang antuk nyekah, ngasti, lan memukur, rauh ngalinggihang ring pahrayangan Dewa Sang Bhatara.
Pamargi mendem sawa utawi ngaben ring Desa Adat Tamanbali kadi ring sor:
ha.mendem utawi ngaben magenah ring setra Desa Adat Tamanbali, sang piwal patut kabawosin ring paruman;
na.pamargi padewasan mendem katunasang majeng Sulinggih, atiwa-tiwa kapidabdab nganutin wariga dresta, tur malarapan antuk pinunas majeng sang sulinggih pamuput;
ca.krama Desa Adat lampus rikala eedan wali ring Kahyangan ngawit pangambilan karya wali ngantos nyineb wali, kamargiang sasuluban katanganin olih Krama Desa Adat pasemetonan tur kamargiang sedereng endag surya utawi risampun engseb surya;
ra.nenten kadadosang ngajangin mendem lan nginepang bangbang. Ngajangin inggih punika mendem sawa langkungan ring adiri ring galah arahina mabinayan galah mamargi ke setra;
ka.prade wenten seda nyambung risampun wenten mapendem, pamargin pamendeman katunasang majeng Sulinggih;
da.yan mendem sawa tigang rahina rauhing serahina sadurung pujawali ring Kahyangan Tiga lan Kahyangan Desa siosan patut mamargi sasiliban (tanpa pasuaran kulkul cihna kalampusan lan kamargiang rikala sampun engseb surya utawi sadurung endag surya);
ta.krama Desa Adat lampus rikala banjar utawi desa adat ngamargiang karya masesapuh, ngenteg linggih lan pujawali ring kahyangan desa, krama sane maduwe kalampusan patut masadok majeng bandesa utawi prajuru desa tur kangkat mendem sasiliban, pamargine lintang ring sandikala utawi sadurung endag surya;
sa.krama Desa Adat sane sampun katambyakan pemangku prade seda tan kangkat pinaka pemangku, lan
- prade wenten silih sinunggil krama lampus manut ring wakwakan padewasan kangkat pemargin mendem sekadi patut
Pamargi mendem sawa utawi ngaben krama banjar Adat Dadia kangkat kemargiang ring Setra Tunon Adat Guliang Kangin lan ring Tunon Desa Adat Siladan Kaler.
Pamargi mendem sawa utawi ngaben krama banjar Adat Dadia, Sima Siladan kangkat kemargiang ring Setra Tunon Siladan
Internalization