Pawos 35

Bhuta yadnya inggih punika upacara-upacara pabiyakalaan ring ibu pertiwi lan kahyangan, sarwa prani miwah ring sarwa bhuta.

Upacara-upacara pabiyakalaan ring sarwa prani inggih punika:

1. Upakara majeng entik-entikan (sarwa tumuwuh) utawi punyan-punyanan nemuning Tumpek Pengarah utawi tumpek Pengatag (Saniscara Kliwon wuku Wariga);
2. Upacara majeng sarwa ingo-ingon (ubuh-ubuhan) nemuning Tumpek Kandang (Saniscara Kliwon wuku Uye);

ca.Upacara majeng ring tetangguran nemuning Tumpek Krulut (Saniscara Kliwon wuku Krulut), lan

ra.Upacara pakala-kalan manusa manut wiguna kabawos pabiakala.

Upacara-upacara pabiyakalaan ring Ibu Pertiwi miwah kahyangan lan ring sarwa bhuta kawastanin “macaru”. Pecaruan inucap minakadi pacaruan:

ha.Ekasato (caru brumbun);

na.Panca sato;

ca.Panca sanak;

ra.Rsi gana;

ka.Panca kelud;

da.Balik sumpah;

ta.Tawur Agung utawi Melabuh Gentuh.

Pamargin Upacara pacaruan inucap ring ajeng (3) nganutin kecaping agama, pemargine nganutin dresta Desa Adat Tamanbali tur pamutus Ida Sulinggih sane kaangkenin Desa Adat Tamanbali.

Sejawaning kadi ring ajeng kawentenang upakara upacara:

1. masaiban utawi yadnya sesa nyabran usan ngerateng;
2. mesapuh-sapuh (ngerebuu) rikala pacang wali ring pura lan paibon, utawi mrajan anut kawentenan.