Pawos 70

1. Paruman Desa adat Tamanbali kawentenang :

Nyabran sasih, maka cihna tanpa arah-arah, duaning sampun tetep panemaya manut pararem Desa Adat Tamanbali;

Napkala (patgata) makajalaran arah-arah manut tatujon.

1. Sangkepan Prajuru utawi Dulu Desa, kawentenang manut wiguna;

ca.Paruman sekaa-sekaa manut babuat.

Paruman/sangkepan desa utawi banjar madudonan sekadi ring sor :

ha.Prasida lumaksana risampun katedunin antuk sang patut ngamiletin, kemanggala antuk tatenger kulkul miwah mabusana adat, saha tan kalugra makta gegawan sakaluire : tan maren ngarcana ring Ida Bhagawan penyarikan saha widhi whidana cane;

1. Maka sarana jagi pangawit kalaksanayang sep-sepan saha ri wusannia nyacah dadosan agung alit manut pararem;
2. Tan kalugra ngwetuang suara ghora utawi byuta, yan wenten asapunike keni pamidanda beya pacamil kadi dandaning nguman-uman ring sabha;
3. Pamutus babawos beriuk sapanggul (ingkup) punika kemanggehang.

Prade pidaging paruman tan kaingkupin/kecumpunin, mangde prajuru desa utawi banjar ngilikang babaos, saha putusannia mangda kararemang antuk krama desa utawi banjar adat, malih prade tan prasida kasungkemin jantos ping tiga, prajuru desa utawi banjar adat dados nunas bawos ring kerta desa manut undagan luire : kamanggeh paingkupan prajuru, ngeraris panglingsir, panguntat paruman.

Paridabdab mahautama ring sajroning pasangkepan utawi paruman madasar antuk Trihita Karana, minakadi:

1. Nabdabin desa adat;
2. Ngarencana pawangunan desa;
3. Ngamargiang paiketan pantaraning desa adat;
4. Nabdabin padruwen desa adat;
5. Mutusang paindikan rencana investasi ring desa adat;
6. Ngadegang lan nabdabin LPD;
7. Ngadegang lan Nabdabin BUPDA;
8. Nguwah-nguwuhin padruwen desa;
9. Ngawangun sarana prasarana, adat istiadat, darma agama, dresta, seni budaya;

la. Nincapang kaweruhan sajeroning pasraman;

1. Ngawerdiang lan ngawigunayang indik asal-usul, nilai adat, nilai agama, nilai sima, nilai seni lan budaya, miwah sane seosan manut pabuat.