Pawos 9

Pararem inggih punika uger-uger utawi kaputusan Paruman Agung Désa Adat Tamanbali pinaka pamargin Awig-Awig utawi pidabdab anyar miwah/utawi nyenarang wicara adat utawi pikobet ring Désa Adat Tamanbali.

Désa Adat Tamanbali wenang nyuratang Pararem-pararem, minakadi:

1. Pararem Panyacah, inggih punika Pararem sané kakaryanin tur kaanggén ngamargiang Awig-Awig;
2. Pararem Pangelé, inggih punika Pararem niri utawi nyéjé sané kaanggén nabdabin sané durung kawilangin jeroning Awig-Awig, mwang
3. Pararem Panepas Wicara, inggih punika Pararem sané kakaryanin tur kaanggén tata- titi nepas wicara inggihan manut Awig-Awig utawi manut kawéntenan.

Pararem kasurat manut pabuat sané kakaryanin olih angga Sabha Désa, Kerta Désa, Prajuru Désa Adat mwang Banjar Adat, rauhing utusan Krama.

Daging Pararem patut nganutin daging Awig-Awig utawi ilikita sané mamargi, tur nénten matinjakan sareng ilikita-ilikita Panegara mawatata, lan Bali mawacara.

Pararem kawigunaang jantos sadurung kagentosin antuk Pararem anyar sané kaputusang olih Paruman.

Pararem patut ka-daftar-ang majeng Dinas Pemajuan Masyarakat Adat Provinsi Bali.