Pawos 94

Balu luh katinggal muanin nyane utawi balu sane pecak nyeburin, patut ngemargiang swadarma kadi ring sor:

1. Ngemanggehang kepatibratan;
2. Ngemarginin ayah krama manut pamargi;
3. Ngeraksa, nguasayang, lan miara warisan lan sentanan nyane;
4. Tan dados ngadol warisan sedurung polih wakwakan saking kula Krama Desa Adat sang lanang;
5. Kawenang mawiwaha sangkaning rahayu.

Balu sane tan pageh ring swadarma, luwire:

1. Matingkah dretikrama, miwah salah solah sane siwosan;
2. Matilar tan pasadok;
3. Lempas ring swadarmaning balu, utawi salah prawerti.

Balu sane tan pageh wenang kawaliang ring guru rupakan ipun antuk pamargi rahayu saha tan polih pahpahan waris.

Balu tan pasentana, prade kawaliang olih Krama Desa Adat kapurusa, utawi sangkaning pinunas rahayu patut polih pahpahan paguna kaya.