Pawos 45

Krama Tamiu inggih punika krama dura Desa sane meagama Hindu, jenek ring Desa Adat Tamanbali tur durung ngaranjing matata Krama Desa Adat Tamanbali. Indik swadarma lan swadikara manut pararem.

Kawentenan Krama Tamiu Luwire:

1. Krama Tamiu sane jenek ring Desa Adat Tamanbali tur durung majangkepang patut wenten Krama Desa Ngarep Mepek utawi Krama Ngarep Semade sane ngerobang, indik swadarma lan swadikara manut pararem;
2. Krama Tamiu sane sampun majangkepang jenek lanang lan istri ring Desa Adat Tamanbali langkung ring 3 Sasih patut ngaranjing makrama Banjar Dinas lan mangde wenten Krama Desa Ngarep Mepek utawi Krama Desa Ngarep Samade sane ngerobang. Indik pamargi lan tategenan manut pararem.
3. Krama dura Desa ngawangun usaha tur jenek ring Desa Adat Tamanbali patut ngaranjing makarama Banjar Adat utawi Banjar Dinas, indik pamargi lan tategenan manut pararem;
4. Krama Dura Desa ngawangun usaha nanging ten jenek ring Desa Adat Tamanbali, patut nawur upeti wulanan utawi atos, agung alit upetine/atos/punia manut pararem.

Kapatutang Krama tamiu:

ha.Krama Tamiu utawi Tamiu patut nawur upeti/atos/punia ring Desa Adat Tamanbali manut pararem;

1. Krama Tamiu lan Tamiu polih pasayuban Panca baya sekala niskala sakeng Kelihan Banjar Dinas, Bandesa lan Prajuru Desa Adat.