Pawos 46

Tamiu inggih punika warga sane tan maagama Hindu, jenek ring Desa Adat Pengiangan Kawan utawi tamiu sane meagama Hindu tan jenek ring Pengiangan Kawan

Kawentenan Tamiu Luwire:

1. Tamiu sane durung majangkepang jenek langkung ring 3 sasih, kerod dinas lan sampun majangkepang jenek lanang istri ring Desa Adat Pengiangan Kawan langkung ring 3 sasih patut ngaranjing makrama banjar dinas lan pastika wenten Krama Desa Mepek utawi Desa Ngarep Semade sane ngerobang. Indik swadarma lan swadikara manut pararem;
2. Krama dura Desa ngawangun usaha tur jenek ring Desa Adat Pengiangan Kawan patut ngaranjing makarama Banjar Adat utawi Banjar Dinas, indik pamargi lan tategenan manut pararem;
3. Krama Dura Desa ngawangun usaha nanging ten jenek ring Desa Adat Pengiangan Kawan, patut nawur upeti wulanan utawi atos, agung alit upetine/atos/punia manut pararem.

Kapatutang warga tamiu:

1. Krama Tamiu utawi Tamiu patut nawur upeti/atos/punia ring Desa Adat Pengiangan Kawan manut pararem;
2. Krama Tamiu lan Tamiu polih pasayuban Panca baya sekala niskala sakeng Kelihan Banjar Dinas, Bandesa lan Prajuru Desa Adat.